Caro Volli,

sta volta ghe scrivo in triestin, a meno che qualchedun della Capitaneria (de porto) no me daghi una multa, come co la storia dei sardoni, che saria inveze alici, ma per chi che sa taljan xe propio sardoni o anca acciughe. Infati per sta storia de i pessi i ghe ga ficà a un pescador ben 1.167 euro de multa

Bon, la question de Eurabia la se risolvarà solo co l'Ozidente sarà capaze de darse una mossa, che saria a dir de far le auto eletriche.

Parchè fin che i ghe sborsa sachi de bori par pagar el petrolio, lori gavarà sempre 'l cortel de la parte del manigo e i  farà de noi polpete o i ne cusinerà 'rosti.

Po saria de saver dove che xe finida la formula de la benzina sintetica o se sta storia xe solo un mito.

Tuto qua, xe solo question de energia alternativa, ma no quela de i mulini a vento. Quela xe per i don Chisciote che ghe credi.

La saludo de cuor

Dario Bazec

Caro sior Bazec, el mio triestin no xe più sai bon, dopo tanti ani fora. Ma ghe digo grazie. Son d'acordo con quel che la disi. Saria bel molar sti arabi col su petrolio, ma xe dificile, lo savemo tuti e do. Speremo in ben

ugo volli